काठमाडौं। महिला, बालबालिका तथा ज्येष्ठ नागरिक मन्त्री पार्वत गुरुङले दोलखाको बाढि/पहिरो प्रभावित क्षेत्रको स्थलगत अवलोकन गर्नु भएको छ ।
२२ साउन रातिको वर्षाको कारण आएको बाढीपहिरोले आफ्नै जन्मस्थल गौरीशंकर गाउँपालिका–५, ६ र ८ मा पुर्याएको क्षतिबारे मन्त्री गुरुङले स्थलथत अनुगमन अनुगमन गर्नुभएको हो । उक्त पहिरोमा परेर दर्जनौं घरपरिवार विस्थापित भएपछि उनीहरूलाई राहत तथा पुनर्वासको तत्काल व्यवस्था गर्न मन्त्री गुरुङ आफैं प्रभावित क्षेत्र पुग्नु भएको हो । जिल्ला दैवी प्रकोप समिति तथा सबै स्थानीय तहका प्रमुखहरुसहित प्रभावित क्षेत्रमा पुग्नु भएका उहाँले बाढि, पहिरो प्रभावित टुनिटार, गुरुम्फीमा पीडितलाई सान्त्वना दिनु भएको थियो । साथै उहाँले जिल्ला दैवी प्रकोप समिति र स्थानीय तहलाई आवश्यक समन्वय गरी तत्काल पीडितलाई राहत तथा पुनर्वासका लागि आवश्यक व्यवस्था मिलाउन निर्देशन दिनु भएकोछ ।
मन्त्री गुरुङकै पहलमा रेडक्रस लगायतका सामाजिक संघ, संस्थाहरुले पीडितका लागि राहत सामग्री पठाउने क्रम सुरु गरेकाले आईतबारबाट वितरणको काम पनि सुरु गर्न लागिएको गौरीशंकर गाउँपालिकाका अध्यक्ष सोयमबहादुर खड्काले जानकारी दिनुभयो । उक्त बाढि र पहिरोमापरी कालिञ्चोक गाउँपालिका वडा नम्बर ८, सुनखानीका २८ वर्षीय सुरेश शिवाकोटीको ज्यान गएको थियो भने ठूलो धनमालको क्षति भएको थियो ।
प्रतिक्रिया दिनुहोस्