रामेछाप– रामेछापको मन्थली नगरपालिका–५ सुनारपानीका वडाध्यक्ष राम बहादुर कार्कीले सोही वडाको एक विद्यालयलाई निशुल्क जग्गा प्रदान गर्नुभएको छ । वडाध्यक्ष कार्कीले सोही वडाको भैरवी माध्यमिक विद्यालयलाई ८ लाख बढिको जग्गा निशुल्क प्रदान गर्नुभएको हो । वडाध्यक्ष कार्कीले आफ्नो नाममा रहेको सोहि स्थानको कित्ता नम्बर ८–७–२–३ को सो जग्गा जिल्ला मालपोत कार्यालयमार्फत विद्यालयको नाममा पास समेत गरि सकेको जानकारी दिनुभयो । आँफु र आप्mनो स–परिवारको तर्फवाट विद्यालयलाई रु ८ लाख २५ हजार बराबरको जग्गा निशुल्क प्रदान गरेको कार्कीले जानकारी दिनुभयो ।
सोही विद्यालयको विद्यार्थी हुँदै प्रधानाध्यापक समेत भएर कुशलता पुर्वक जिम्मेवारी सम्हालीसकेका कार्कीकै पहलमा उक्त विद्यालयले नि.मा.वि र मा.वि का कक्षाहरु सञ्चालनका लागी अुनमती पाउन सफल भएको थियो। उक्त विद्यालय व्यवस्थापन समितिको अध्यक्षको जिम्मेवारीमा रहेर कार्कीले लामो समयसम्म विद्यालयको शैक्षिक गुणस्तर विकाशका लागी योगदान समेत गर्नुभएको थियो । वि.स. २०२१ सालमा स्थापना भएको उक्त विद्यालयलाई व्यक्तिले जग्गा प्रदान गरेको यो पहिलो पटक हो । स्थापनाको ईतिहाँसमै पहिलोपटक आफ्नो नाममा आएको जग्गाको आम्दानीबाट विद्यालयले अव शैक्षिक तथा आर्थिक गुणस्तर वृद्धिका लागि लगानी गर्न सक्ने वडाध्यक्ष कार्कीले बताए ।
स्थानिय तहको निर्वाचनमा मन्थली नगरपालिकाको वडा नम्वर ५ बाट निर्वाचित भएपश्चात आँफुले समृद्ध वडा निर्माणका लागी वडाको समग्र पक्षको विकाशका लागी काम गरिरहेको पनि कार्कीले बताए ।
प्रतिक्रिया दिनुहोस्