आईपीएल: पञ्चावविरुद्ध मुम्बइको रोमाञ्चक जीत

आईपीएल: पञ्चावविरुद्ध मुम्बइको रोमाञ्चक जीत

काठमाडौं – इन्डियन प्रिमियर लिग (आईपीएल) मा वेष्ट इन्डिजका खेलाडी किरोन पोलार्डको उत्कृष्ट ब्याटिङले मुम्बई इन्डियन्सले किङ्स ११ पञ्जावविरुद्ध जीत हात पारेको छ ।

बुधबार राति भएको खेलमा मुम्बईले पञ्जावलाई ३ विकेटले पराजित गर्ने क्रममा पोल्र्डाले ८१ रनको योगदान गरे । टस हारेर पहिलो ब्याटिङ गरेको पञ्जावले २० ओभर पुरा खेल्दै ४ विकेट गुमाएर १सय९७ रन बनाएपछि मुम्बईले १ सय ९८ रनको लक्ष्य पाएको थियो ।

१ सय ९८ को लक्ष्य पछ्याएको मुम्बईले २० ओभरमा ७ विकेट गुमाएर लक्ष्य पुरा ग¥यो । मुम्बईका लागि ३१ बल खेलेका पोलार्डले १० छक्का र ३ चौकाको मद्दतमा ८१ रन बनाएका थिए । त्यस्तै, मुम्बईका अन्य ब्याट्सम्यानहरुमा क्वीन्टन डि ककले २४ रन, सुर्यकुमार यादवले २१ रन बनाए । यस्तै, मुम्बईविरुद्ध पञ्जावका बलर मोहम्मद शामीले ३ विकेट लिए ।

यसअघि पहिलो व्याटिङ गरेको पञ्जावका लागि ओपनिङ ब्याट्सम्यान केएल राहुलले अविजित रहँदै शतक पुरा गरेका थिए । उनले ६४ बलमा ६ छक्का र ६ चौकाको मद्दतमा सय रन पुरा गरेका थिए भने अर्का ओपनिङ ब्याट्सम्यान क्रिस गेलले ६३ रन बनाएका थिए । उनले ३७ बलमा ७ छक्का र ३ चौका प्रहार गरेका थिए ।

प्रतिक्रिया दिनुहोस्