प्रादेशिक अस्पतालमा प्रविधियुक्त प्रयोगशाला सञ्चालन

प्रादेशिक अस्पतालमा प्रविधियुक्त प्रयोगशाला सञ्चालन
a woman working in a medical lab; Shutterstock ID 87446426; PO: aol; Job: production; Client: drone

लमही– दाङको राप्ती प्रादेशिक अस्पताल तुलसीपुरमा प्रविधियुक्त प्रयोगशाला सञ्चालन हुने भएको छ । प्रविधियुक्त प्रयोगशाला सञ्चालनका लागि आवश्यक सामग्री खरीदकार्य भइरहेको तुलसीपुर उपमहानगरपालिकाका प्रमुख घनश्याम पाण्डेले बताए ।

“हामीले तुलसीपुरको राप्ती प्रादेशिक अस्पतालमा स्मार्ट ल्याव स्थापना गर्न लागेका छौँ”, उनले भने “त्यसका लागि सामग्री खरीद गर्न बोलपत्र आह्वान गरिएको छ ।”

करीब ३ करोड लागतमा प्रविधिमैत्री प्रयोशाला सञ्चालन हुन लागेको उनले बताए । ल्याबका  सबै काम कम्प्युटर प्रणालीबाट हुने उनको भनाइ छ । “हामीले तुलसीपुरलाई नेपालकै स्वास्थ्य नगरका रुपमा परिचित बनाउने योजना बनाएका छौँ”, उनले भने, “स्मार्ट ल्याव शुरु हुनेबित्तिकै अमेरिकालगायत ठूला देशमा गरिने ल्याव तुलसीपुरमै हुन्छ ।”

साथै उनले तुलसीपुरमा मोतियाविन्दुको समस्या निराकरण गर्ने योजनाअनुसार अघि बढेको बताए । “हामीले मोतियाविन्दुमुक्त तुलसीपुर बनाउन मुख्यमन्त्री, आँखा रोग विशेषज्ञ सन्दुक रुइतको हातबाट कार्यक्रम उद्घाटन गर्‍यौँ,” उनले भने।

साथै बिरामीका लागि ‘स्मार्ट हेल्थ कार्ड’ ल्याउने योजना रहेको बताइएको छ । 

प्रतिक्रिया दिनुहोस्