नेपाली दूतावास यूएईले मजदुर क्याम्पमा जनचेतनामुलक कार्यक्रम सुरु

नेपाली दूतावास यूएईले मजदुर क्याम्पमा जनचेतनामुलक कार्यक्रम सुरु

यूएई – नेपाली दूतावास यूएईले मजदुर क्याम्पमा जनचेतनामुलक कार्यक्रम सुरु गरेको छ । 

कामदार बस्ने क्याम्पमा वा कार्यस्थलमै पुगेर आफ्ना नागरिकलाई यहाँको कानुन तथा गर्न हुने र नहुने विषयमा जानकारी दिने उदेश्यले जनतेचनामुलक काम थालिएको दूतावासका नियोग उपप्रमुख सागरप्रसाद फुयाँलले जानकारी दिनुभयो । 

बुधवार साँझ आबुधाबीमा रहेको इमदाद गल्फ क्याटेरिङ्ग सर्भिसेस् कम्पनीको क्याम्पमा पुगेर त्यहाँ उपस्थित ४० जना नेपालीकाबीच दूतावासले कार्यक्रम गरेको छ। 
यो कम्पनीमा झण्डै २ सय नेपाली कार्यरत रहेको र अहिलेसम्म कम्पनीमा समस्या नभएको कमदारले दूतावास प्रतिनिधिलाई बताएका छन् । 

पैसा कमाएर बचाउने र त्यसलाई सही ठाउँमा कसरी प्रयोग गर्ने,  पैसा पठाउदा बैधानिक बाटो अपनाउनु पर्ने, कामदारलाई पर्ने समस्या र समस्या पर्दा अपनाउन सकिने उपायका विषयमा कार्यक्रममा छलफल गरिएको थियो ।

प्रतिक्रिया दिनुहोस्