दैलेख मा एक जनालाई श्रीमतीको हत्या गरेको अभियोगमा जन्मकैद

दैलेख मा एक जनालाई श्रीमतीको हत्या गरेको अभियोगमा जन्मकैद

दैलेख– दैलेख जिल्ला अदालतले नौमूले गाउँपालिका–७ पैतिका ५४ वर्षीय दलबहादुर बस्नेतलाई जन्मकैद फैसला सुनाएको छ ।

श्रीमतीको हत्या गरेको अभियोगमा बस्नेतलाई जन्मकैदको फैसला गरिएको दैलेख जिल्ला अदालतका प्रवक्ता विनोद आचार्यले जानकारी दिए ।
जिल्ला न्यायाधीश सनतचन्द्र लवटको एकल इजलासले उक्त फैसला गरेको हो । विसं २०७४ साउन २ गते कान्छी श्रीमती हरिकला बस्नेतलाई कुटपिट गरेर हत्या गरी बार्दलीमा झुण्ड्याइएको उनीमाथि अभियोग लागेको थियो ।

अदालतले सो घटनामा दलबहादुरकी जेठी श्रीमती रामसराको सङ्लग्नता नपाइएको भन्दै सफाइ दिएको छ ।

प्रतिक्रिया दिनुहोस्