पर्वतबाट यस वर्ष अमेरिकामा मात्रै १० टन लप्सी निर्यात

पर्वतबाट यस वर्ष अमेरिकामा मात्रै १० टन लप्सी निर्यात

पर्वत – लप्सी उत्पादनको पकेटक्षेत्र मानिएको पर्वतबाट यस वर्ष अमेरिकामा मात्रै १० टन लप्सी निर्यात भएको छ।

लप्सी सङ्कलन, प्रशोधन र व्यापारको काम गर्दै आएको सामुदायिक खाद्य प्रशोधन उद्योगले प्रशोधन गरेर तयारी अवस्थामा रहेको १० टन लप्सी अमेरिका पठाएको हो। फलेवास नगरपालिकाको मुडिकुवामा रहेको उद्योगले जिल्लाका विभिन्न ठाउँमा पुगेर कृषकको लप्सी खरीद गरेर प्रशोधन गर्दै आएको छ। 

उद्योगबाट उत्पादित माडा, अचार, क्याण्डी, तितौरा, जाम, लप्सी धुलो, पिरो क्याण्डी लगायतका परिकार निर्यात गरिएको उद्योगका सञ्चालक थानेश्वर भुसालले जानकारी दिए। यस वर्ष उद्योगले कूल १३० टन लप्सी सङ्कलन गरेकामा अहिलेसम्म ६० टन लप्सी प्रशोधनपछि बजारमा गएको छ भने ७० टन लप्सी प्रशोधनको क्रममा छ। गत वर्षको यही समयसम्म ४० टन मात्र लप्सी प्रशोधन गरेको उद्योगले अघिल्लो वर्षको तुलनामा २० टन बढी प्रशोधन गरिसकेको छ। 

उद्योगले पर्वत र बागलुङबाट लप्सी सङ्कलन गरेर प्रशोधनपछि देशका विभिन्न जिल्लासहित विदेशमा पनि निर्यात गर्दै आएको छ। “अहिलेसम्म प्रशोधन गरिएको लप्सी स्थानीय बजार र अमेरिका पुगिसकेको छ”, भुसालले भने “कोरियाबाट पनि माग आएको छ, अब प्रशोधन गरिएको कोरिया पठाउछौँ।” 

प्रतिक्रिया दिनुहोस्