हिमपातले लामोसाँघु–जिरी सडकखण्ड अवरुद्ध

हिमपातले लामोसाँघु–जिरी सडकखण्ड अवरुद्ध

दोलखा – खरिढुङ्गा क्षेत्रमा भारी हिमपात भएपछि लामोसाँघु–जिरी सडकखण्ड अवरुद्ध भएको छ । 

भीमेश्वर नगरपालिका वडा नम्बर–९, खरिढुङ्गा आसपासमा भारी हिमपात भएपछि यो सडकखण्ड बिहीबार बिहानैदेखि अवरुद्ध बनेको हो । 

बिहान चरिकोटबाट काठमाण्डौका लागि छुटेको पहिलो यात्रुवाहक बस भीमेश्वर नगरपालिका वडा नम्बर ८ बोचबाट फर्किएपछि यो सडकखण्ड असुरक्षित रहेको भन्दै बन्द गरिएको जिल्ला ट्राफिक प्रहरी कार्यालय दोलखाले जनाएको छ । 

चरिकोटबाट काठमाण्डौका लागि छुट्ने सम्पूर्ण सवारी साधन पुष्पलाल राजमार्ग हुदै बीपी राजमार्गमार्फत गइरहेको जिल्ला ट्राफिक प्रहरी कार्यालयका इञ्चार्ज चन्द्रमान तामाङले जानकारी दिनुभयो । खरिढुङ्गा क्षेत्रमा अझै डेढ फीट हिउँ रहेकाले तत्कालै सडक सञ्चालन हुने अवस्था नरहेको जनाएको छ । 

प्रतिक्रिया दिनुहोस्