अत्याधिक चिसोका कारण चन्द्रमामा पहिलोपटक उम्रेको बिरुवा मर्‍यो

अत्याधिक चिसोका कारण चन्द्रमामा पहिलोपटक उम्रेको बिरुवा मर्‍यो

काठमाडौं — चन्द्रमामा एक्लो हरियो पात देखिएपछि अन्तरिक्षयात्रीहरूलाई अन्तरिक्षमा आफैं खानेकुरा हुर्काउने आशा दिलाएको थियो । तर पात उम्रेको केही समयपछि नै कपासको बोटको मरेको छ । 

चीनले पठाएको अन्तरिक्षयानमा कपासको बोट उम्रेको थियो । उक्त बोट चन्द्रमाको सतहमा सूर्यको प्रकाशमा निर्भर थियो । तर चन्द्रमाको पछाडिपट्टिको भागमा रात परेपछि तापक्रम माइनस १७० डिग्री सेल्सियसमा झरेपछि बिरुवा अल्पायुमै मरेको हो । 

चोङकिङ विश्वविद्यालयका प्राध्यापक शीए गेङशिनले यो परीक्षणको डिजाइनको नेतृत्व गरेका हुन् र उनले बिरुवाको अल्पायुको अपेक्षा गरिएको बताए । ‘क्यानिस्टरमा जीवन चन्द्रमाको रातमा बाँच्नै सक्दैन,’ शीएले बताए । 

छाङ’ई–४ अन्तरिक्षयान आइतवार स्लीप मोडमा पुगेको थियो । अवतरण भएको पहिलो चन्द्र रातमा ऊ स्लीप मोडमा पुगेको हो । चन्द्रमामा रातिको समय लगभग दुई हप्ताको हुन्छ र त्यसपछि अन्तरिक्षयान फेरि जाग्नेछ । 

प्रतिक्रिया दिनुहोस्