डा गोविन्द केसी इलाममा अनसनको साइत जुराउँदै

डा गोविन्द केसी इलाममा अनसनको साइत जुराउँदै
Dr. Govinda KC Photo: THT File

काठमाडौं । चिकित्सा शिक्षा विधेयक सहमति अनुसार संसदबाट पारित गराउन दवाव दिँदै आएका सत्याग्रही प्राडा गोविन्द केसी आफ्नो अल्टिमेटमको समय सकिएपछि पुनः आमरण अनसन बस्न पूर्वी पहाडी जिल्ला इलाम पुगेका छन् ।

प्रधानमन्त्री केपी शर्मा ओलीलाई स्थानीय नगरपालिकाले नागरिक अभिनन्दन गर्दै गर्दा सोही कार्यक्रमलाई नै प्रभावित गर्ने गरी डा केसी मंगलबार साँझ इलाम पुगेका हुन् । उनले संसदबाट विधयक पारित गराउन मंगलबार (पुस १७) सम्मकै समय दिएका थिए ।

तर संसदबाट पारित हुने सम्भावना नदेखेपछि अनिष्ट नहोस् भन्नका लागि सरकारलाई आफ्नो मागमा दवाव दिन डा केसी इलाम लागेका हुन् ।

इलामका वरिष्ठ पत्रकार धर्म गौतमका अनुसार मंगलबार डा केसी अनसन बस्नकै लागि इलाम पुगेका हुन् । तर उनका सहयोगीहरुले अनसनका लागि केही समय कुरिदिन आग्रह गरेपछि बुधबार बिहानसम्म अनसन बस्न नसकेका हुन् ।

प्रतिक्रिया दिनुहोस्