जनप्रतिनिधी आएसँगै समृद्धिको बाटोमा, तनहुँको भानु नगरपालिका

जनप्रतिनिधी आएसँगै समृद्धिको बाटोमा, तनहुँको भानु नगरपालिका

कविता पोखरेल 

सडक, बिद्युत, स्वास्थ्य, खेलकुद, खानेपानि लगायतको विकासका पुर्वाधारमा तनहु जिल्लाको भनु नगरपालिकाले उल्लेख्य प्रगति गरेको छ । नया सडक बिस्तार गर्ने र पुराना सडकलाई कालोपत्रे गर्ने कार्यमा नगरपालिका लागेको नगर प्रमुख उदय राज गौलीले बताउनुभयो । कर्मचारी र जनप्रतिनिधीको राम्रो सम्बन्ध रहेको यस गाउँपालिकाले पछिल्ला बर्षमा देखिने तथा नदेखिने धेरै क्षेत्रहरुको विकासमा उलेख्य कार्य सम्पादन गर्दै समृद्ध भानु नगरपालिका बनाउने बाटो पहिल्याउँदै गएको छ । नगर प्रमुख गौलीका अनुसार नागरिकहरुको सहजताको लागी नगरले वडा वडामा सडक बिस्तारको काम गरिहेको छ । नगरपालिका र वडा कार्यालयको भवन निर्माण गर्ने काम पनि धामाधम निर्माण भईरहेको छ ।

विभिन्न किसिमका कार्यहरु सम्पादनमा उपभोक्ताको प्रत्यक्ष संलग्नतालाई मध्यनजर गरी उपभोक्ता समिति गठन गरी परिचालन गरिएको छ । आर्थिक पारदर्शिता र आवश्यकता अनुसारका योजनाहरु स्पष्टताकोलागि बेला–बेलामा सार्वजनिक सुनुवाईगर्दै सु–शासनयुक्त स्थानीय सरकार निर्माणका लागि आवश्यक गतिविधीहरु सञ्चालनमा गरिएको छ । शैक्षिक क्षेत्रको बिकासको लागि नगरपालिकाको आफ्नै पहलमा सुबिधा सम्पन्न बिद्यालय भवनको निर्माण कार्य भइरहेको छ । स्थानियस्तरमा गुणस्तरिय एंव प्राबिधिक शिक्षामा जोड दिएको भानु नगरपालिकाले प्राविधिक शिक्षाको ब्यवस्था पनि गरको छ । स्वास्थ सेवाको पहुँच सम्पुर्ण नगरवासिमा पुर्याउन सुबिधा सम्पन्न १५ शैयाको अस्पतालको शिलान्यास भइसकेको छ ।

खानेपानिको सुविधा सम्पुर्ण नागरिकमा पुर्याउन बृहत खानेपानि योजना डिपिआरको काम भइरहेको छ । कृषि क्षेत्रमा नगरका युवाहरुलाई आकर्षित गर्न कृषि र पुशपालनमा नगरले वनोठ दिएको छ ।
साहित्यकार भानुभक्तको जन्मस्थल भएको उहाँकै नामबाट नगरको नामाकरण गरिएकोले नगरपालिकामा साहित्यक पर्यटन भित्राउने योजना रहेको नगर प्रमुख भौलीले बताउनुभयो । आगामी दिनमा कोरोना माहामारीको असरलाई कम गर्दै समग्र बिकासको काममा केन्द्रित हुने नगरको योजना छ ।

प्रतिक्रिया दिनुहोस्