जागे सहरेली यूवाहरु

जागे सहरेली यूवाहरु

कोरोना भाईरसको विश्वव्यापी महामारीले यतिबेला दोलखाको तामाकोशी गाउँपालिका वडा नं. ५ तथा साविकको सहरेलाई त्रसित बनाइदिएको छ । केहि दिन अघिसम्म सुन्य संक्रमित रहेको यस वडामा एकै साता ६० जना भन्दा बढिलाई कोरोना संक्रमण भएको छ भने अझै टोल – टोलमा ज्वरो र खोकी लगायतका लक्षण देखिएका संकास्पद विरामीहरु पनि छन् ।


वडालाई आगामी ८ गते सम्मका लागि शिल गरिएको छ भने बाहिरी र भित्री आवत जावतलाई पनि निषेध गरिएको छ । सबै सहरेवासीहरु घरभित्रै बसिरहदा खाद्यन्न र अत्यावश्यक औषधीहरुको पनि अभाव पनि खेपिरहेका छन् । यहि अवस्थालाई मध्यनजर गर्दै केहि दिन अघि सहरेली यूवाहरुले स्वतस्फूर्त रुपमा सुरु गरेको सहयोग संकलन अभियानले विशेष कोरोना संक्रमितहरुलाई राहत प्रदान गरेको छ ।
सिकिस्त विरामी परे अस्पतालको व्यवस्था भए पनि सामान्य विरामी र संक्रमितहरुलाई लक्षित गरि पौष्टिक आहार र खाद्यन्नको अभाव झेलिरहेकाहरुलाई खाद्यन्न पनि वितरण सुरु गरेर सहरेली यूवाहरुले नमुना कार्य गरेका छन् ।
जनप्रतिनिधि र स्वास्थ्यकर्मिको टोलीसहित संक्रमितको घरआगनमा पुगेका यूवाहरुले स्थानीववासीहरुलाई मास्क र सेनिटाइजर तथा अत्यावश्यक औषधि पनि वितरण गरिरहेका छन् ।


यसै अभियानमा आवद्ध यूवाहरुले कोरोनाबाट प्रभावित सहरेवासीहरुलाई कुनै पनि प्रकारको समस्या हुन नदिने पनि बताईरहेका छन् ।
अरु बेला भिन्न – भिन्न राजनीतिक दलका कार्यक्रमहरुमा देखिने यूवाहरु एकतावद्ध ढंगले राहत लिएर टोल–टोलमा पसेपछि सहरेलीमा खुशियाली पनि छाएको देखिन्छ ।

May be an image of text that says "हामिले आर्थिक संकलनको लागि सन्जय केसि (गोभर्दन्टार) को नाममा रहेको निम्न बैकको खाता नं मा Siddhartha bank, Jadibuti branch SANJAYA KC account number:01717552540 मा सहयोग गर्न सक्नुहुनेछ।। E sewa पनी गर्न सकनू हुनीछ 9849080985"

 

 

प्रतिक्रिया दिनुहोस्