बाख्रा पाल्ने कृषकलाई प्रोत्साहन गर्दै डोटीको बोगटान फुड्सिल गाउँपालिका

बाख्रा पाल्ने कृषकलाई प्रोत्साहन गर्दै डोटीको बोगटान फुड्सिल गाउँपालिका

‘समृद्ध नेपाल, सुखी नेपाली’को अवधारणा बोकेको स्थानिय सरकार गठन भएको साढे तीन वर्ष बित्न लागेको छ । जनताको विश्वास अनि भरोसा जितेका जनप्रतिनिधिहरुले आ–आफ्नो क्षेत्रबाट कार्य गर्दै आएका छन् । डोटीको बोगटान फुड्सिल गाउँपालिकाका जनप्रतिनिधिले प्रतिबद्धता पूरा गरेकामा स्थानीय खुसी छन् । स्थानीय तहबाट निर्वाचित जन प्रतिनिधिहरु आएसँगै गाउँमा विकासको लहर नै छाएको स्थानीयहरुको भनाई छ ।

आफुहरुले सकेसम्म राम्रो काम गर्ने प्रयास गरेको र जस्को मुल्यांकन गर्ने जिम्मा जनतामा नै छोडेको गाउँपालिका अध्यक्ष कमल गड्शिला बताउनुहुन्छ । गाउँपालिकाले शिक्षा, स्वास्थ्य, सडक, सामुदायिक भवन, सरकारी भवन, खानेपानीलगायत क्षेत्रमा काम गर्दै आएको छ । अध्यक्ष गट्सिलाका अनुसार गाउँपालिकाले कृषि र पशुपालनलाई मुख्य जोड दिएर काम गरिरहेको छ । १०० रोपनिमा खेति गर्नेलाई गाउँपालिकाले एक हल गोरु किनिदिने र २०० वटा बाख्रा पाल्नेलाई अनुदान र अरु प्रोत्सान दिने गरेको छ ।

गाउँपालिकाको केन्द्रबाट सबै वडामाहरुमा सडक संजाल बिस्तार गर्ने योजना बनाएको गाउँपालिकाले ति सडकहरुलाई बाह्रै महिना गाडि चल्न सक्ने गरि बिस्तार गरिहेको छ । प्राविधिक शिक्षामा जोड दिएको गाउँपालिकाले बिभिन्न बिषयहरुमा अध्यन गर्न पाईने ब्यवस्था गरेको छ । १५ वटा सामुदायीक बिद्यालयमा नयाँ भवन निर्माण गरिएको छ । सम्पुर्ण वडाहरुमा बिद्युतिकरण भईसकेको छ ।

विश्वभर फैलिएको कोरोना महामारीको असर बोगटान फुड्सिल गाउँपालिकामा पनि देखियो तर जनप्रतिनिधि, कर्मचारी र स्थानीयवासीहरुको साथ सहयोगले यहाँ नागरिकलाई सुरक्षित राख्न गाउँपापालिका सफल भएको छ । कोरोना माहामारीमा गाउँपालिकाले पिडितहरुलाई राहत वितरण, मास्क , सेनिटाइजरको बितरण, आरडिटि र पिसिआर परिक्षण गर्दै यसको नियन्त्रण गर्ने प्रयासहरु गरेको थियो । यसले पनि बोगटान फुड्सिल गाउँपालिकाको प्रभावकारी योजना र चुस्तदुरुस्त व्यवस्थापनलाई झल्काउदछ । आगामी दिनमा गाउँपालिकावासीहरुको हित र अपेक्षालाई मध्यनजर गर्दै गाउँपालिकाको सम्पुर्ण विकास निर्माणका कामहरु अगाडि बढाउने गाउँपालिका अध्यक्ष गड्शिलाको योजना छ ।

प्रतिक्रिया दिनुहोस्