दुर्घटनाका कारण बन्द त्रिभुवन विमानस्थल १२ घण्टापछि खुल्यो

दुर्घटनाका कारण बन्द त्रिभुवन विमानस्थल १२ घण्टापछि खुल्यो

भाद्र १७,   त्रिभुवन अन्तर्राष्ट्रिय विमानस्थल झण्डै १२ घण्टापछि खुलेको छ । यती एयरलाइन्सको विमान दुर्घटनाका कारण बन्द  भएपछि बल्ल खुलेको हो ।

शनिबार राति करिब पौने ९ बजे दुर्घटना भएपछि बन्द भएको विमानस्थल आइतबार बिहान करिब साढे ८ बजेबाट सञ्चालनमा आएको हो ।त्रिभुवन विमानस्थलका महाप्रवन्धक राजकुमार क्षेत्रीका अनुसार नागरिक उड्डयन प्राधिकरण, विमानस्थलका कर्मचारी, सुरक्षाकर्मीको संयुक्त टोलीले विमानलाई तानेर धावनमार्गबाट पार्किङवेमा पुर्‍याएका छन् ।

नेपालगञ्जबाट २१ यात्रु बोकेर काठमाडौं आएको यती एयरलाइन्सको नाइन एन एएचडब्लुको जेट स्टि्रम विमान गए राति अवतरणको क्रममा धावनमार्गबाट चिप्लिएर घाँसे मैदानमा पुगेर धस्सिएको थियो ।

सो क्रममा विमानमा सवार पाँच जना यात्रु सामान्य घाइते भएका छन् ।

प्रतिक्रिया दिनुहोस्

cheap essay help