शंखरापुरमा १७ सय रोपनीमा प्राकृतिक रुपमा उम्रिएको गाँजाको बोट नष्ट

शंखरापुरमा १७ सय रोपनीमा प्राकृतिक रुपमा उम्रिएको गाँजाको बोट नष्ट

काठमाडौं। काठमाडौं महानगरपालिका अन्र्तगत शंखरापुर नगरपालिका–३ मा पर्ने जरसिंहपौवा, बोजिनि, कार्तिके लगायतका विभिन्न स्थानमा अन्दाजी १७ सय रोपनीमा प्राकृतिक रुपमा उम्रिएका अनुमानित १ लाख गाँजाका बोटहरु बिहीबार नष्ट गरिएको छ ।

महानगरीय प्रहरी वृत्त बौद्ध, महानगरीय प्रहरी प्रभाग साँखु, नाङ्लेभारे प्रहरी चौकी, कालिका शरण मावि, साँगाचोक युवा क्लब लगायत विभिन्न संघसंस्थाको साझेदारीमा गाँजा फडानी गरिएको हो । कार्यक्रममा नगर प्रमुख सुवर्ण श्रेष्ठ, उपप्रमुख शुक्रलक्ष्मी श्रेष्ठ, महानगरीय प्रहरी वृत्त बौद्धका प्रमुख नरेन्द्र चन्द सहितको विभिन्न संघ संस्थाका प्रतिनिधी, सर्वसाधरण तथा पत्रकार लगायतकाे उपस्थिति रहेको थियो ।
गाँजा लगायतका लागू औषध र यसको दुर्ब्यसनी रोक्न तथा जनचेतना फैलाउन कार्यक्रम महत्वपूर्ण हुने शंखरापुर नगरपालिकाका मेयर सुवर्ण श्रेष्ठले बताउनु भयो ।

मेयर सुवर्ण श्रेष्ठ

प्रतिक्रिया दिनुहोस्