१५ सय उद्यमीलाई ब्यवसायिक तालिम दिदैं, धादिङको खनियाबास गाउँपालिका

१५ सय उद्यमीलाई ब्यवसायिक तालिम दिदैं, धादिङको खनियाबास गाउँपालिका

विकास निर्माण सम्बन्धी धेरै अधिकार स्थानीय सरकारले पाएसँगै त्यसको सदुपयोगका निम्ति जनप्रतिनिधिहरु लागी परेका छन् ।

स्थानीय सरकारले दिगो विकास र समृद्ध जीवनको परिकल्पना सहित सडक, खानेपानी, सरसफाई, शिक्षा, स्वास्थ्य, बिजुली र आधुनिक कृषिखेती लगायतका विषयलाई पहिलो प्राथमिकतामा राखेर अघि बढिरहेका छन् । स्थानिय सरकारले सबै वडा कार्यालयमा सडक बाटो, सबै बस्तीमा स्वच्छ खानेपानी, युवा स्वरोजगार, सर्वसुलभ र समान शिक्षा, कृषिमा आधुनिकरण जस्ता विकासे काम हुँदै आएका छन् ।

धादिङको खनियाबास गाउँपालिकाले आफ्नो विकासको पूर्वाधार निर्माणका कामहरुमा अग्रसर भएर लागि परेको छ । ५ वटै वडामा सडक विस्तार तथा स्तरोन्नती गर्ने काम भइरहेको खनियनबास गाउँपालिकाका अध्यक्ष रण बहादुर तामाङले बताए । विशेष गरि अहिले वडा नंं १ र २ सडक बिस्तार भई संचालनमा समेत आईसकेको छ । गाउँपालिकाका सम्पुर्ण नागरिकहरुलाई स्वास्थ्य सेवाको सहज पहँुच पुर्याउन संघिय सरकारको योजना अनुरुप १५ शैयाको अस्पलाल शिलान्यास गरि संचालनको तयारिमा रहेको छ । प्रत्यक वडामा स्वास्थ्य चौकीको व्यवस्था पनि गरिएको छ । नागरिककै सुविधाको लागी गाउापालिकाले एउटा एम्बुलेन्स समेत संचालन गरेको छ । प्राविधिक र गुणस्तरिय शिक्षामा जोड दिएको गाउँपालिकाले आफ्नै पहलमा २७ वडा माद्यामिक बिद्यालयहरुमा नयाँ भवन निर्माण तथा स्तरोन्नतीको काम गरेको छ । गाउँपालिकाको आफ्नै सुविधा सम्पन्न भवन पनि निर्माणाधिन अवस्थामा रहेको छ भने ३ वटा वठा कार्यालय भवनको निर्माण कार्य सम्पन्न भईसकेको छ । गाउँपालिकाका युवाहरुलाई स्थानियस्तरमानै स्वरोजगार बनाउन खनियबास गाउँपालिकाले बिभिन्न किसिमका सिपमुलक तालिमहरु दिने गरेको छ । भर्खरैमात्र गाउँपालिकाले २७ जनलाई इलेक्ट्रिसियनको तालिम दिएको थियो । यस्तै १५ सय जना उद्यमीहरुलाई ब्यवसायिक तालिम दिने गाउँपालिकाको तयारि छ । सम्पुर्ण नागरिकहरुलाई खानेपानिको सुविधा पुर्याउन गाउँपालिकाले १ घर १ धाराको अवधारणा अघि सारेर काम गरिहेको छ ।

गाउँपालिकाले पूर्वाधारमा सिमित नभई सामाजिक कार्य तर्फ आफ्ना आठै वडामा स्वास्थ्य शिविर संचालन गरेर जनतालाई औषधि उपचार गर्ने काम गरेको छ । त्यस्तै, पशु स्वास्थ्यका लागि भेटनरीको शिविर संचालन गर्दै आइरहेको छ । किसानहरुका लागि धान तथा मकैका उन्नत जातका विउ विजनहरु वितरण गरिएको छ । सिंह दरबारको अधिकार गाउँ गाउँमा पुगेको अध्यक्ष तामाङ बताउँछन् । अन्य गाउँपालिकामा जस्तै यस गाउँपालिकामा पनि कर्मचारीको अभाव रहेको छ । कर्मचारी समायोजन भइसके पनि कर्मचारी नभएको कारणले पालिकाबाट दिइने सेवाहरु प्रभावकारी रुपमा प्रवाह हुन सकेको छैन । स्थानीय सरकारले थेग्न नसकेका ठूला विकासका आयोजनाहरु संघीय सरकारले गर्नु पर्ने अध्यक्ष तामाङ बताउँछन् ।

विश्वभर फैलिएको कोरोना महामारीको असर खनियाबास गाउँपालिकालाई पनि देखियो तर जनप्रतिनिधि, कर्मचारी र स्थानीयवासीहरुको साथ सहयोगले यहाँ नागरिकलाई सुरक्षित राख्न गाउँपालिका सफल भएको छ ।
कोरोना माहामारीमा पालिकाले पिडितहरुलाई राहत वितरण, मास्क , सेनिटाइजरको बितरण, आरडिटि र पिसिआर परिक्षण गर्दै यसको नियन्त्रण गर्ने प्रयासहरु गरेको थियो । यसले पनि गाउँपालिकाको प्रभावकारी योजना र चुस्तदुरुस्त व्यवस्थापनलाई झल्काउदछ । आगामी दिनमा नगरवासीहरुको हित र अपेक्षालाई मध्यनजर गर्दै स्मार्ट सिटीको रुपमा खनियाबास गाउँपालिकालाई अगाडि बढाउने अध्यक्ष तामाङको योजना छ ।

प्रतिक्रिया दिनुहोस्