रामेछापमा बस दुर्घटना हुदा १६ जना घाइते

रामेछापमा बस दुर्घटना हुदा १६ जना घाइते

रामेछापको लिखु तामाकोशी गाउँपालिकामा वडा नं.२ सैपुमा शनिबार अरनिको यात्रुवाहक बस दुर्घटना हुदा १६ जना घाइते भएका छन । ओखलढुंगाको पोल्थलीबाट काठमाडौंका लागि छुटेको बा ३ ख ५०६७ नम्बरको अरनिको यातायातको बस सैपुको सुनुवार गाउँमा दुर्घटनामा परेको प्रहरीले जनाएको छ ।
जिल्ला प्रहरी कार्यालय रामेछापका अनुसार ओखलढुंगा रगनीकी सुनीता राई, सपना राई, लिखु तामाकोशी गाउँपालिकाका धनकुमारी पौडेल, टंकनाथ पौडेल, थरहरी पौडेल, सर्मीला पौडेल गम्भीर घाइते भएका छन् । उनीहरुको स्थानीय स्वास्थ्य चौकी सैपुमा प्राथमिक उपचार पश्चात दुईवटा एम्बुलेन्सबाट काठमाडौ रिफर गरिएको छ। घाइतेको पाखुरा, टाउँको र खुट्टामा चोट लागेको छ भने अन्य १० जना सामान्य घाइते भएका छन ।

घाइते भएका थहरी पौडेलका अनुसार दुर्घटनाको केही समय अगाडी बसको टायर पन्चड भएको थियो । चालक लाई उदृत गर्दै उनले भने एउटा टायर पन्चड भएकाले सम्ममा लगेर बनाउन अगाडि बढाउँदा गाडिको ब्रेक फेल भयो । ठूलो क्षति हुनबाट जोगाउन चालकले भित्ताको नाली साइडमा गाडि मोडेर जोगाएका थिए।

गत बुधबार पनी रामेछापको सेलेघाटमा माइक्रोवस दुर्घटना चालकले ठूलो दुर्घटनाबाट ११ यात्रुको ज्यान बचाएका थीए । सेलेघाटको मोडमा ब्रेकफेल भएर बा ४ ख २९८२ नम्बरको माइक्रो बस ठूलो दुर्घटनाबाट बचेको थियो ।
मालुखोलाबाट काठमाडौंतर्फ जादै गरेको कुशेश्वर यातयात प्रालिकाको माइको बस मोडमा दुर्घटना भएको थियो । गाडी चालक सन्तोष गोलेले निकै सावधानी पूर्वक ११ जना यात्रुको ज्यान बचाउन सफल भएका थिए । पाँच मिटर मात्र चालकले गाडी भित्तामा नपल्टाएको भए सिधै तामाकोसीमा पुग्ने अवस्था रहेको थियो ।

प्रतिक्रिया दिनुहोस्